منتدى الحوار  >>  منتدى الحوار العام  >>  شكراً مدري مو شكراً

الكاتب

الموضوع

الحزين عضو مميز	شكراً مدري مو شكراً طبعاً أوجه هذه العبارة خص نص إلى السيد أنا والسيدة وحدة وإذا عرف السبب بطل العجب : أما السبب فهو : إنني في سنواتي الأولى لدخولي إلى الموقع ( يعني من شي 15 سنة ) وكنت وقتها في عز الشباب والعنفوان والحزن تبعي كان كتير حلو وحباب . وقتها كنت أدافع عن الحب والشباب وكنت حارب وقاتل من شان هالاحساس اللي لساتني لهللأ ( وأنا هلأ فوق الميت سنة ) أدافع عنو بس مو هون مربط الفرس . مربط الفرس هو إنو السيد أنا والسيدة وحدة في سلسلة من المشاركات والنصائح أقنعوني ( في الماضي ) أن الحب شغلة موحلوة متل تفاحة سيدنا آدم إنو إذا تذوقت طعمها سوف يغضب مني الأهل و الجيران وشيخ الجامع و ... وأنا ياحرام صدقتهم . وبقيت خلال هالعشرين اللي غبتهم عن الموقع كل مامرت بطريقي حسناء حلوة وغمزتني أو شي وحدة معنا بالشغل حكت معي مجرد حكي عادي أتخيل السيدة وحدة وهية حاملة مقشة طويلة بالمقلوب وعم تضربني على راسي و السيد أنا متل شي نقيب مخابرات وأنا آعد قدامه وعامل السبعة وذمتها . وبعد هالصواب من التخيلات أهرب من هالبنت وأقعد عم اسمع ضربات أنا ووحدة وكلامهما القاسي ينهمر على رأسي كالرصاص الحي. فيا مشتركي هالموقع الأحباء ويا هال administrators شو تفسيركم ؟؟؟ وشو أقول لهالاثنين ( أنا + وحدة ) شكراً والا مو شكراً.
21-2-2004    12:43
مسعود حمود عضو مميز	شكراً قول شكراً ولا تتردد .. ذكرني بعد شي 15 سنة ذكرك إنه من شي 15 سنة كانت وحدة وأنا على حق .. وذكرك إنك إنت كمان رح تصير متلهم ... إسأل مجرب ... ولا تسأل مسعود.. ------------------------------------------------------------------------------------ masoud_hamoud@hotmail.com ---------------------------------- مدونتي
23-2-2004    16:24
أنا	سلامات ------------------- أهلين فيك ايها السيد الحزين ... ----------------------------- يعني عطول بين لا تحرمنا من طلتك .... --------- يعني دخلت عالمنتدى حزين و طلعت حزين و رجعت حزين ------------- معلشي بتفرج هن بس أول ميتين سنة بالحياة صعبين و ما لسه أكتر من اللي مضى ------------ أنا نسيت شو حكينا بس أكيد معي حق و لازم تشكرنا على كل لا شكر على واجب وأهلين و غوغل بلكس سهلين فيك ... راجعيييييين
23-2-2004    19:07
وحدة	اليوم افتح الموقع بعد انقطاع دام اشهر...... وأحببت أن أقرأ وأراجع جميع المواضيع التي فاتتني وأخيرا وجدت اسمي هنا فقررت الرد أود أن أقول بداية انني اشتقت للجميع جميع رواد المنتدى، ومن بينهم انت ايها الأخ الحزين..... واليوم أجلس هنا وأكتب اليكم وأنا فرحة بعودتي مع أنني كنت أتمنى أن أعود فأجدك سعيدا المهم أنا الآن لست في صدد الرد على كلامك أحببت فقط أن أهديك السلام وسأعود مرة اخرى انشاء الله سلام،،،،
29-8-2004    17:23

جميع الأوقات بتوقيت قارة | الوقت الآن:   الثلاثاء   19/8/2025   17:17

منتدى الحوار  >>  منتدى الحوار العام