منتدى الحوار  >>  منتدى الحوار العام  >>  سيبوني أمشي

الكاتب

الموضوع

صعلوك

سيبوني أمشي 3 كتب .. علبة سجاير .. وغيارين . جوة شنطة فوق ضهري الهزيل . يبقى أيه لزمة جواز السفر .. مالأرض براح والناس كتير لو مشيت هـ تلاقوا غيري تعصروه .. ومكان ما أروح هـ ألاقي غيركوا بيعصروا .. فـ سيبوني أمشي بدون جواز أو تذاكر أو ورق . سيبوني أمشي .. يمكن أصادف بيت دفا جايز أصاحب بنت ترضى تحبني أو حتى بحر من غير غرق . ما تخافوش أني مهاجر أكبد في أشباهكم هناك لو ما فيش - وده مستحيل - ح أبعت جواب أشكي لكم فرحي وأبعتوا أنتم وطاويطكم هناك تدخل في بيتي .. تحت جلدي .. تمص دمي . تمام يا فاندم .. حافظ الأوامر مافيش مقاومة .. ولا أعتراض . بس من فضل جنابكم .. أفتحوا باب الوطن ............... وسيبوني أمشي . تم تعديل هذه المشاركة بتاريخ 4-1-2005 الساعة 20:08 من قبل: صعلوك

4-1-2005    20:07

جميع الأوقات بتوقيت قارة | الوقت الآن:   الثلاثاء   19/8/2025   19:12

منتدى الحوار  >>  منتدى الحوار العام