منتدى الحوار  >>  منتدى الكمبيوتر  >>  بدنا شات لو سمحتوا

الكاتب

الموضوع

محمد احمد	بدنا شات لو سمحتوا ارجو من القائمين على هذا الموقع السعي لانشاء صفحة للمحادثة او الشات لكي نتواصل نحن في الغربة مع ابناء بلدنا وبلدتنا اكثر ولكم جزيل الشكر
6-9-2003    23:02
الشير	ولك محمد اياد ماعدت تبطل هالشغايل شوي شوي بيظبط الموقع يعني متعود على الشات تحمد الله انو صار عندنا موقع. اخوك المشتاق........ الشير
7-9-2003    09:23
النَّشمي عضو مميز	إذا كنت إنت محمد إياد فعلاً وبدك شات سوي شات مع أهلك عالتليفون طمنهن عنك هيدا قبل ما تتسلى مع العالم وإذا بتسمع نصيحة : أوم روح من هون جابر عثرات النشامى النشمي الأول ---------------------------------- سلامي للجميع.........
7-9-2003    10:18
النَّشمي عضو مميز	نسيت أن أذكر لك مبارح أنو حبذا لوكان اسمك محَمِّد مَحْمِد كنا عرفناك أكتر نشمي مشتاق ---------------------------------- سلامي للجميع.........
7-9-2003    10:27
محمد احمد	اذا كنت نشمي اذا كنت نشمي عرف عن نفسك او بعتلي اميلك ودير بالك على حالك وسلامات
8-9-2003    12:44
محمد حمود مشرف	الشات قريباً
8-9-2003    14:09
النَّشمي عضو مميز	آااااااخ شو دهنك سميييييك نسيت المتة براس الجرد يا ما ليالي تلج وبرد............ لعبتوا بالشدَّة عندي ---------------------------------- سلامي للجميع.........
9-9-2003    01:07
محمد احمد	عيب عليك يا نشمي يعني مفكرني ما عرفتك يا استاذ نشمي روح العب بعيد بس انا ما بدي احكي معك عالموقع علشان سمعتك فيه واذا كنت كتير نشمي اصلي مثل ما عم تقول كنت تذكرتني على اساس اني صديقك وكنت العب عندك شدة عالقليلة كنت راسلني عالايميل يا فصيح وانا بنصحك تغير اسمك عالموقع لانو مو من صفاتك ودير بالك على حالك اخوك المشتاق محمد وسلامات eges
9-9-2003    13:01
ا لساطور عضو مميز	والله يا شباب ما عرفنا حدا منكن ولهذا أقترح أن تروحو لعند أبو جمال بركات تشتروا بخمس ورقات كلال جمع كل يعني دحاحل يعني جمع دحلة وتروحو تحفرو جورة وتلعبو فيها أو تلعبو دهليزة إذا كنتوا بتعرفوها
9-9-2003    19:17
ا لساطور عضو مميز	يعني كل الشات اللي بالكرة الأرضية ما عرفتو تنقوا ولا شات تتملعبوا فيها ؟صار بدكن شات بالموقع؟؟؟؟؟؟؟؟؟ ضروري يعني الشات بالموقع؟؟ وبيصير ضرب النميمة على أبو جنب ؟؟؟؟؟؟ وبتصير السيئات تتكرفت على المشرف كرفتة؟؟؟؟؟؟ هدا غير المسبات الي بتلحقكن من الناس !!!!!! بتصير الناس تقول والله مبارح كان موضوع الشات على فلانه بنت فلان !!!!! يا حبيبي هدا اللي كان ناقصنا والله وبيضطروا شيوخنا الأكارم يضغطوا على المشرف مشان الناس تحترم حالها شوي نحنا من غير شات ما عم نعرف نضبضب الولاد اللي بيشوهوا سجل الزوار فكرو ابالموضوع مليح أحسن ما نتورط واللي عنده اعتراض يراسلني على البريد ولا يفضحنا عالموقع alsatoor@hotmail.com
9-9-2003    19:24
النَّشمي عضو مميز	؟؟؟؟؟؟؟؟؟ يا محمد محمد لا يهمك جيرة ولا حي .... أوع ثم إصح ثم أوع تخلي حدا يوقع بيناتنا عذراً كان البريد عاطل شكراً على كلمة فصيح واستور عالباقي وبعدين منوهادا ال؟؟؟؟ لحتى يدخل بيناتنا لأ ومفكر كل الناس متلو : يـــــــــــا عمي ماضل فلانات نحكي عليهن والشات ستكون في مصلحة الأمة والشعب المعذب والمقهور في العالم لمعالجة أمور المساكين وعابري السبيل والمشحرين (أمثالك)من أبناء هذا الوطن المعطاءقارة يا سا؟؟؟؟ر فيك شغلة وحدة منيحة هي إنو عقلك طفولي جداً يعني منيح إنو الي ما بيعجبك بتبعتوا لعند أبو جمال مو لعند أبو العيلة ولأجل ردك هذا أقترح أول موضوع للشات طرق مكافحة الناس الهدامين للأفكار البناءة--أمــــــــــــــــــــــــثــــــــــــــــــــــــــالــــــــــــــــــــــــــــــــــــــــــك----- لأ وفوق هيك عندك إيميل للفضايح... إنت هيك قلت إيـــــــــــــــــــــــــــــه صار للدبانة دكانة وصارت تحمل مفاتيح... يا محمد محمد إذا بتعرفوا لهيدا () عطي سكرة أو فتحلوا كازوزة very very eggs ---------------------------------- سلامي للجميع.........
11-9-2003    05:16
ا لساطور عضو مميز	يا نشمي الله يرضى عليك : خلينا نكون واقعيين عندما تتصفح سجل الزوار تجد أحدهم يكتب :الموقع رائع جدا بس ابعتولي كتيب عن البلد مشان زوره!!! الكاتب سعودي. بالله عليك شو عجبه بالموقع أكتر شي حتى ظن أنه رائع جدا؟ الحقيقة تقال أن اموقع رائع جدا عندي وعندك أبناء قارة المعطاءة وأن أي غريب يقول أنه رائع جدا فهو يبالغ لأن منتدى الحوار وهو الفعالية الرئيسية بالموقع لنا نحن أبناء البلد ولا أعتقد أن أي واحد من الزوار أضاف موضوعا أو شارك في موضوع بعد هذه المقدمة المزعجة بدي وصلك لنتيجة ليس لها علاقة بالمقدمة وهي أنه كان لازم على رفيقك محمد أحمد أنه يشغل عقله وقبل ما يطلب شات بهذا الموقع كان لازم يفكر كم واحد بيدخل الموقع باليوم وقد ورد بمشاركتي السابقة أنها أول مشاركة بالمنتدى من يومين ولذلك أقترح على صاحبك أنه يلغي الفكرة من راسه المتفضي على أموره ويقول الحمد لله صار عندنا منتدى حوار بالمناسبة أمنيتك أن يكون أول موضوع بالشات هو الــــــــــــــ............لخ لخ لخ لن تتحقق قبل وفاتنا جميعا يا عزيزي لذلك روح نام وارتاح من هذه المشاكل التي تزعجك ولا يهمك بريد الفضايح لن أسحبه عليك اتفقنا يا نشمي؟ أتمنى ذلك alsaToor@hotmail.com-------------------
11-9-2003    09:05
النَّشمي عضو مميز	ومين قلك ماني نايم مجرد وجود موقع لقارة عالنت هو بحد ذاته منام وبما أن المنام ليس له حدود فلماذا لا يحوي التشات... تذكر أن حياتنا كلها منام في منام أنا وصديقي-قدس سره - طلبنا التشات من الآن لعلمنا ان التشات لن تتم قبل عشرين عاماً( مدة التنفيذ كحد أدنى--كما تعودنا --...) وعندها سيكون عدد المشاركين كافي لقيام التشات وسأخبرك بنفسي ولن أنتظر حتى تكتشف بنفسك أننا على مستوى عالي من الوعي والواقعية بطلبنا هذا و بالنسبة لردك على أمنيتي حول موضوع أول تشات أخبرك أنه أملي الوحيد والقريب إن شاء الله أن يكون كما تقول وهيك بلشنا نتفق كما تمنيت أنت...... وأحلى ساطور وسامحونا.... أطيب نشمي.. eggs ---------------------------------- سلامي للجميع.........
12-9-2003    16:27
محمد احمد	بدون انحياز بصراحة انا مع الصديق العزيز النشمي واؤيده تماما في رايه وكلامه كله صحيح وارجو من السيد الساطور الذي اظن انني اعرفه وهو يعرفني ايضا ان لايكون متشائم الى هذه الدرجة فلماذا لا يكون في موقعنا الوليد والمتواضع صفحة للتشات ومع ان الكثير من الزوار يطالبون بتطوير الموقع اكثر ليكون من المواقع المميزة فأنا اتوقع ان التشات سوف توصل موقعنا الى القمة وبعدها يزداد عدد الزوار بوجود التشات وان معك ايها الساطور الحاد في رأيك بوجود تفاهات مولدنة في سجل الزوار ولكن اعتقد ان التشات سوف تصرف اصحاب تلك المواضيع عن المنتدى وسجل الزوار ومع ان الاخ النشمي صديق عزيز جدا علي لكنني اخالفه في رايه بان موضوع التشات هو حلم او انه حقيقة طويلة الاجل فلماذا لا يبذل القائمين على هذا الوقع جهدا اكثر لانجاحه وجذب عدد اكبر من الزوار من داخل الضيعة ومن خارجهاوهذا ما نرجوه نحن ابناء قارة من القائمين على الموقع واتمنى ان يكون هناك رد منهم على مداخلتي هذه وارجو من الاخ الساطور المسنون ان يلغي تلك الافكار التي يدعي انها واقعية من رأسه ويشارك في تطوير هذا الموقع وله مني السلام وكل التحية للصديق العزيز النشمي وعلى طول طمني عنك وسلامات eggs
12-9-2003    17:30
ا لساطور عضو مميز	السلام عليكم ورحمة الله وبركاته أيها السيد الفاضل محمد أحمد أنت لست في قارة ولا تعرف المشكلة الحقيقية أحب أن أقول لك أنني أعارض وجود شات في موقعنا الرائع لسبب ليس بسيطا كما تظن بل حرصا على ديمومة مشاركاتنا نحن أهل قارة والمقيمين فيها دونكم أيها الأجانب في الخليج والسبب الرئيسي وبالمشرمحي أن المواقع التي فيها شات مغلقة هنا داخل سوريا وأكبر دليل على ذلك موقع دير عطية أدخل الموقع شوف بنفسك إذا كنت بقارة وتأكد أنني مع تطوير موقعنا الرائع وأرجو من المشرف التعقيب على ما ذكرته أو أن يتأكد بنفسه إن كان عنده من الأصدقاء في قارة من يؤيد فكرتي وتحياتي للنشمي الغالي على قلوبنا وتحياتي للأخ ياسر في أمريكا وأقول له أننا افتقدنا مشاركاته الفترة الأخيرة أو أنها صارت قليلة عسىالمانع خيرا
12-9-2003    21:04
الشَّاري	السلام عليكم تحياتي للشباب كلهم على أبو جنب بعد تصفحي لكافة مشاركات الشباب وأكثرهم أصدقائي قررت أن أهدي الساطور شي شغلة وخليتها بالقاري هيدا الساطور شــــــــــــــــو بــــــدٌّو عالموقع آخـــــــــــــد مجدو طــــــلِّع كــــتل اللي عندو مفكِّر مــــــــــــــا حـــــــــــــــــــــدا أدُّو مــــــــنعرفو مـــــــنعرف جدُّو بالوجه نحــــــــــــــنـا نــــــودُّو وعالشبكة وحـــــــــدو..............وحـــــــــدو. وكما يقول أصدقائي في النهاية very eggs
15-9-2003    21:23
النَّشمي عضو مميز	سلام ياأخي ليش ما حدا عم يفهمني رأيي لايخالف رأي أحد منكم بالنسبة للحلم أو حقيقة طويلة الأجل أنا مو هيك قلت أنا قلت وبالحرف الواحد : وعندها سيكون عدد المشاركين كافي لقيام التشات , أي أن الفكرة في عدد المشاركين متى صار يكفي فمن التشات السلام... ربما أخطأت بفكرة العشرين عاماُ وقياس القائمين على الموقع بباقي (الرفاااااااااق) يا أخي .. أنت تعرف أن أهالي قارة طموحين جداُ ولم يكتفوا بالقليل في حياتهم كثر هم من تركوا قارة وملؤوا أمريكا والأرجنتين و و ... ولا أعتقد أنه يوجد بلد وضعه أفضل من قارة إلا و يوجد فيه قارية شوف الجبل زرعوا الصخر ولولا التحديد والتحرير لم يبق شبر ما انزرع يعني بالمشرمحي لمين طالع متخاذل حتى لو أغلق الموقع لوجود التشات يوجد برامج نشميَّة يمكن التعرف عليهابسهولة ربما عن طريق الموقع ذاته من أحد الفهمانين .. وعن طريق هذه البرامج نفتح الهوتميل والياهووو ولا أعتقد أن موقع قارة أهم من هذه المواقع... يعني حتى لو صار.. مقدور عليها يا ساطور عندما يحكم على الموقع بالإعدام.. لن ينتظروا وجود التشات بالموقع يعني خلص .. حكم القاضي وليس بالضرورة أن يكون السبب وراء حجب موقع ديرعطية هو التشات بجوز حدا عطس ..فهموا اللي تحت اللي فوق إنو الموقع غير مرغوب بوجوده والإطلاع عليه... لا تقيس علينا وسلامي لياسر ...إذا ماعندك حدا نشمي أخبرني حتى أبعث لك روبة على كلِّ يا ساطور : طبوش شَعرو منفوش eggs ---------------------------------- سلامي للجميع.........
15-9-2003    21:24
النَّشمي عضو مميز	سلام ياأخي ليش ما حدا عم يفهمني رأيي لايخالف رأي أحد منكم بالنسبة للحلم أو حقيقة طويلة الأجل أنا مو هيك قلت أنا قلت وبالحرف الواحد : وعندها سيكون عدد المشاركين كافي لقيام التشات , أي أن الفكرة في عدد المشاركين متى صار يكفي فمن التشات السلام... ربما أخطأت بفكرة العشرين عاماُ وقياس القائمين على الموقع بباقي (الرفاااااااااق) يا أخي .. أنت تعرف أن أهالي قارة طموحين جداُ ولم يكتفوا بالقليل في حياتهم كثر هم من تركوا قارة وملؤوا أمريكا والأرجنتين و و ... ولا أعتقد أنه يوجد بلد وضعه أفضل من قارة إلا و يوجد فيه قارية شوف الجبل زرعوا الصخر ولولا التحديد والتحرير لم يبق شبر ما انزرع يعني بالمشرمحي لمين طالع متخاذل حتى لو أغلق الموقع لوجود التشات يوجد برامج نشميَّة يمكن التعرف عليهابسهولة ربما عن طريق الموقع ذاته من أحد الفهمانين .. وعن طريق هذه البرامج نفتح الهوتميل والياهووو ولا أعتقد أن موقع قارة أهم من هذه المواقع... يعني حتى لو صار.. مقدور عليها يا ساطور عندما يحكم على الموقع بالإعدام.. لن ينتظروا وجود التشات بالموقع يعني خلص .. حكم القاضي وليس بالضرورة أن يكون السبب وراء حجب موقع ديرعطية هو التشات بجوز حدا عطس ..فهموا اللي تحت اللي فوق إنو الموقع غير مرغوب بوجوده والإطلاع عليه... لا تقيس علينا وسلامي لياسر ...إذا ماعندك حدا نشمي أخبرني حتى أبعث لك روبة على كلِّ يا ساطور : طبوش شَعرو منفوش eggs ---------------------------------- سلامي للجميع.........
15-9-2003    21:25

جميع الأوقات بتوقيت قارة | الوقت الآن:   الاثنين   18/8/2025   01:30

منتدى الحوار  >>  منتدى الكمبيوتر