|
هوّاره
|
هوّاره قاريّه
بهديها لأخي النشمي ... الله يسعدو
***** هوّاره قاريّه *****
عالهوّاره الهوّاره
دبّرها ومالا دبّاره
ان شرّقتو أو غرّبتو
ما في أغلى من قارة
******
أوّل كلامي سلام
ع الموجودين بضيعتنا
ع القاريّه اللي بالشام
انتو رفعتو رايتنا
ع الشباب ال بالدمّام
بعين الطيبة جمعتنا
بالكويت و بالرياض
لا تنسو مودّتنا
بدبيّ و أمريكا
يا بسمتنا و بهجتنا
بِروما ... ... .. بميلانو
الغُربة ما فرّقتنا
بقبرص و باليونان
زين الدّين و زينتنا
النشمي فارسنا المقدام
وعنّو بكتب هوّاره!
******************
طيبة نشمي................ رووووووح شايفلك!
|
|
3-7-2005
13:35
|
|
حسن البريدي
مشرف
|
يعني أولتــك .. ما صار لازم يلاقيــك محســن ....!.!..!
----------------------------------
- كن كالغيث.. أينما هلَّ ؛ نفع ..
|
|
4-7-2005
11:04
|
|
|
هوّاره
|
بهديها لحسن البريدي اذا بيتركني من شغلت محسن..
جايبلي سلام - لفيروز الله يسعدكن ويسعدها
أوف أوف بكير طل الحب عا حي لنا
حامل معو عتوبي و حكي و دمع و هنا
كنا و كانوا هالبنات مجمعين
يامي و ما بعرف ليش نقاني أنا
جايبلي سلام عصفور الجناين
جايبلي سلام من عند الحناين
نفض جناحتو عا شباك الدار
و متل اللي بريشاتو مخبي سرار سرار
قلي عالرماني غطيت و حكاني
و بعيونو الدبلاني شفت الهوى باين
شو قلي شو قلي عتبان المحبوب
ما بدك تطلي ابعتيلو مكتوب
وديلو شي ورقا عليها كتيبه زرقا
و امرقيلك مرقا مطرح منو ساكن
كل ليلة عشيي قنديلك ضويه
قوي الضو شويي و ارجعي وطيه
بيعرفها علامة و بيصلي تتنامي
و تقومي بالسلامة و يبقى قلبك لاين
تم تعديل هذه المشاركة بتاريخ 5-7-2005 الساعة 08:04 من قبل: حسن البريدي
|
|
4-7-2005
19:23
|
|
النَّشمي
عضو مميز
|
تحياتي..هوارة..
كيف عرفت شبني لحتى دعيتلي الله يسعدني..
سيدي..شو ما دعيت...والقايل..
----------------------------------
سلامي للجميع.........
|
|
4-7-2005
23:06
|
|
مسعود حمود
عضو مميز
|
............
إلى الغالي بدر الليل .. مع التحية
هـــــور يابــــو الهوارة البـــدر بليلي منارة
كل ما شفتو بصيح الآه أدب وذوق وحضارة
يمكن متلو أنا صير ،اليوم صغير وبكرة كبير
ريتو يسلملي الأمير أحلى شب بهل الحارة
وهور يابو الهوارة ..
تحياتي يا بدر الليل ، وشكراً على كلماتك الرائعة ..
..
----------------------------------
مدونتي
|
|
10-10-2006
00:35
|
|
|
رئيس فرع الهوارة
|
الشاطر فيكم يتحداني بالهواره
يا مسعود إنشا الله تعود
ع بلادي سالم غانم
وتاكل كبّه "مع معقود"
وما تخلص هــــالعزايم
بدي غني ع المرصود
وصحّي الفايق والنايم
ويلعلعل صوت البارود
من حوّرتا لقــــــــــــــاره
*********
هواره يا بو حمّود
من أشعارك اعطينا
وزيّن هالساحة بورود
دزينه من دزينه
حتى من حسيا ليبرود
تضوي نجومك يا قــــــاره
*********
هوّر هوّر هواره
يا ويل ويلي الهوارة
بيحيي ابن البيادر
بحيي النشمي و"بن متري"
بحيي مدير الموقع
وأبو عمر"يا عمري"
بحيي خيي "أبو سليم"
هللي معصّب من بدري
بحيي حسن البريدي
مصدر إعجابي وفخري
بحيي أحمد زين الدين
الـ ما بيحكي غير الدغري
بحيي معكم "بدر الليل"
بحيي "جابر" و"الباشق"
بالبخور والعطرِ
وبحيي "حسن ناصيف"
من أشعاري ومن نثري
وبحيي حالي كمان
كوني معلّم هواره
****
وبانتظار المنافسين
سلاموس
|
|
10-10-2006
02:51
|
|
خير انشالله
عضو مميز
|
تعقيب وليس تنافس..
للهوارة صار في فرع
وللفرع عنا رئيس
و رئيس الفرع تفرَّع
وغنى هوني هوَّارة
ما بعرف هوارة كتير
وما بعرف كيف التهوير
بس يمكن كلها تحوير
وصف كلام بس آخرو "را"
رئيس الفرع تفضل
وشرف على الصدارة
إنت أكبر من الأخطل
لكن شعرك هوَّارة
بدر الليل مع مسعود
كل واحد بالخير يجود
هيدا يغني عالمرصود
و التاني يولِّع بارود
والأول بالذوق يسود
والتالت شعشع حضارة
سلام...
----------------------------------
انشالله خير.....
|
|
10-10-2006
04:34
|
|
ابن البيادر
عضو مميز
|
عالهوارة الهوارة...
نيالك ياهوارة..
غناك مين بحبه
و "الموقع" سالب عقله
و "بالبيدر" خبّا قلبه
من الغربة و المرارة
دخلك ياسيد "رئيس"
غني لي هالهوارة..
****
على الهوارة الهوارة
نيالك ياهوارة
من الشام لقارة
غنوك ياهوارة
و على "الموقع" خطوك
و كل الناس نادوكِ
نيالك ياهوارة
وفّقتي بين الناس
و خليتي فينا إحساس
و حطيتيني راس براس
مع رئيس الهوارة
أخ منك..هواره
هوارة ورطيني
و بالطين مرغتيني
مالي و مالك هوارة؟
***
أنا ذنبي إني آري
و ب"البيادر" أسراري
و ياويلي م الدورية
و خبزي بتنوري محروق
و "مازوتي" كله مسروق
و "كازيتي" بابا مغلوق
و ياويلي من الشتوية
لولا إنِّك من آرة
ماحبيتك هوارة
و غنيلي يا "رئيس الفرع"
عالهوارة الهوارة
***
عالهوارة الهوارة
نيالك ياهوارة
صرلك رئيس و مرؤوس
مين يقوم و مين يحوس
و مين يحيّّي و مين يبوس
دخيلك ياهوارة
أولي لو لرئيس الفرع
أنه إيدي بزناره
و يغني عالهوارة
وعالهوارة الهوارة
|
|
10-10-2006
05:40
|
|
أحمد زين الدين
عضو مميز
|
شكراً
ماني فاضي ياحبيب
ولاني شاعر أو أديب
مشغول بكل الأوقات
مالي بالطيب نصيب
نقاشات وحوارات
خود وهات ، وهات وجيب
بالموقع معْ هالقامات
ضايع بين الزواريب
أصواتي كُلاِّ آهات
مـِ التهديد ومـِ التعصيب
الله يهدي هالشباب
بِـ هالموقع الحبيب
لَيبقوا كُلُّن أحباب ... ونتوجِّه إلى قارة
بتحيّات وسلامات
للشباب وللبنات
ونصائح مع إرشادات
ما تبغي إثبات الذات
ما بدنا شي محاور
ولا أحزاب وتيّارات
ما بدنا هالقيل وقال
بدنا حُب وعزم رجال
لازم نِرضي الخواطر
لـَ تُبرز هالشخصيات
وْتِبْدا بالوقت الحاضر
بناءات ومشروعات
يالله نِجمع هالِّلبْنات ... ونعمِّر هالإمارة
لبنة فوق لبنة بصير
حيط صغير وحيط كبير
إذا بْقيبنا بـِ هالبير
ما بنعرف وين المصير
يمكن يزيد التعتير
ويصير الآغا أسير
لازم نبدأ التكبير ... ونبلِّش بالعمارة
..
----------------------------------
ليس العاجز مَن يملك عضواً عاجزاً أو أكثر .. إنّما العاجز هو مَن يعجز عن استخدام أعضائه السليمة بالشكل السليم
تم تعديل هذه المشاركة بتاريخ 10-10-2006 الساعة 11:42 من قبل: أحمد زين الدين
|
|
10-10-2006
11:34
|
|
|
أخوكم أبو سليم
|
شكرا يا رئيس الفرع
أنا كباقي الشباب أشكر لفتتكم الكريمة
نرجو المتابعة وأنتم بدون ريب لديكم المقدرة على ضبط إيقاع الجملة
والأفكار اللتي مررتم بها تروق لنا لأنها قريبة من القلب. فالهوارة تحتمل إسقطات السرد ففيها مرونة الصياغة اللازمة لتصوير جوانب اجتماعية شائقة
وأنا سأتحداك، طبعا بعد الإفطار
وأنا على استعداد لاختيار موضوع نعالجه كل ووجهة نظره ويفوز من يحسن دعم رأيه وإقناع الجمهور من روّاد المنتدى....
++أحسنت وأجدت يا سعادة رئيس الفرع العزيز.... وجزاكم الله خيرا
رمضان كريم
|
|
10-10-2006
13:54
|
|
|
رئيس فرع الهوارة
|
أصل كلمة هوارة"
الله يمسيكم بالخير
يا أحبابي وأصحابي
جايي بسرعة متل الطير
حتى أفتح أبوابي
وهاي معلومه
بقدمها لجمهور الهواره
الهوارة : صنف من العسكر العثماني كانت مهمتهم الاستطلاع ..
اعذروني باعت دورية هواره تفك مشكلة بين عناصر من فرع "النّــــــــدّا" وفرع "الملعونه" عفواً "الدلعونه" وبرجع قريباً
|
|
10-10-2006
19:03
|
|
د.محمد عمر الحاجي
عضو فائق التميز
|
دع الهوارة لأصحابها..!!
لأن القاضي أبو بكر بن العربي المالكي قال: لم يصحّ في تحريم الغناء شيء!
ولأن الإمام ابن حزم قال: وكل ما روي فيه موضوع.
ولأن كلمات هذه الأهازيج التراثية /الهوارة/ محتشمة ً ومنضبطة, ولا تخالف الآداب الإسلامية.
أود أن أقول لكم /أي: إلى جمعية الهوارة القارية/
ابتداءً بالأخ الصدّاح رئيس الفرع, ومروراً بالصديق الحبيب أحمد زين الدين, ووقوفاً عند الأخ العزيز ابن البيادر , وهكذا للأخ النشمي , والأخ مسعود حمود .
أقول لكم: ما قدمّتموه في هذا الركن جميل ورائع.. وحلال ومباح, وأصارحكم أني حاولت أن أشارككم (بشي هوارة) لكن دون جدوى, فيبدو أن المسألة تدخل تحت باب:
/أعط الخبز للخبـّاز, ولو أكل نصفه/
لكم وللجميع تحياتي وشكري, وإلى مزيدٍ من تراثياتنا
والسلام
|
|
11-10-2006
16:00
|
|
أحمد زين الدين
عضو مميز
|
أين أبو سليم .. شوقتنا يارجل
يمكن الأخ أبو سليم تأخر بالفطور شوي / أكثر من 24 ساعة /
لا أدري إن كان يصوم كل يومين دفعة واحدة .. انشالله مايكون كل ثلاثة أيام
نحن بالانتظار
الأخ أبو عمر : إن كنّا أتقنّا الخبز فأنت أمير الكاتو والبقلاوة .. شكراً لكم يا أمير
أبو محمود
----------------------------------
ليس العاجز مَن يملك عضواً عاجزاً أو أكثر .. إنّما العاجز هو مَن يعجز عن استخدام أعضائه السليمة بالشكل السليم
تم تعديل هذه المشاركة بتاريخ 11-10-2006 الساعة 19:30 من قبل: أحمد زين الدين
|
|
11-10-2006
19:27
|
|
|
رئيس فرع الهوارة
|
لست الحلاج ولن أكون
اشتهر القاضي أبو بكر بن العربي المالكي- لمن لا يعلم- بتكفير الحلاج ذلك الذي ارتدى ثوب التصوف غطاء يستر الشعوذة والدّجل، وكان يصيح في شوارع بغداد قائلا:"أنــــــا الحق، " والعياذ بالله ... فكفّره القاضي المالكي وأعملَ سيف الشرع تقطيعا في أوصال الحلاج ثم جزّاً لرأسه ثم حرقاً لرفاة هذه الذبيحة وذرّ رمادها في دجلة...وكان الحلاج يتحدث عن شيخه إبليس بحب شديد وإعجاب مفرط وامتنان عظيم فيراه الموحد الحقيقي في هذا الكون ويقول في حقه: "وما كان في أهل السماء موحد مثل إبليس".
ونحن لا ننحو منحى كذاك:"فألف كلمة جبان ......... يا أستاذنا الجليل أبا عمر".
واسمح لي أن أقول:
***
هوّر هوّر هوّاره
يا ويل ويلي الهواره
أبو عمر كيف الحال؟
الله يسعد أوقاتك
من أفعالك والأقوال
الناس بتشكر أمثالك
وبتذكر إنّو الرّجّــال
بيضوي الليل الحالك
ويينوِّر عقل الأجيال
بالعِبرة والعِبــاره
****
ع المنبر قولك شافي
حتى يكفينا الكـــــــافي
وكرمى للحق الصافي
منتحمّل عن جـــــداره
*******
ولا فضّ فوكم أخوتي وأحبابي
تم تعديل هذه المشاركة بتاريخ 11-10-2006 الساعة 21:25 من قبل: رئيس فرع الهوارة
|
|
11-10-2006
19:36
|
|
د.محمد عمر الحاجي
عضو فائق التميز
|
تعقيب.. وشكر
شكر خاص للأخ العزيز /رئيس فرع الهوارة/
وبارك الله بك على هذه العبارات الرائعة, لكن لي تعقيب على ما أوردته (لست الحلاج ولن أكون).
أقول:
الحلاّج: الحسين بن منصور, قـٌتل في سنة (309هـ) وأما القاضي أبو بكر ابن العربي المالكي, الذي نقلتُ عنه, فقد توفي سنة (543هـ)
فكيف يكفّر/ابن العربي/ الحلاج, ويـُفتي بجزّ رأسه, ثم حرقه, وهو قد عاش بعده بـ (150) سنة ؟!
هذه ليست إلا تعقيباً... وتصحيحاً..
المهم: نعود إلى
هوّر هوّر هوّاره............................. يا ويل ويلي الهوارة
لك تحياتي.. وتقديري, والسلام.
|
|
11-10-2006
22:36
|
|
|
رئيس فرع الهوارة
|
أصبتم يا أبا عمر
نعم لقد اختلط عليّ الفرق بين "ابن عربي" وابن العربي"
أشكركم على التصويب، وكما يقولون :"شدة القرب حجاب".. فقد انتهيت منذ برهة من جمع بعض المعلومات عن "الحلاج؛ الحسين بن منصور"..
أتمنى على جنابكم الكريم حضّ الميسورين-وما أكثرهم في قارة لله التسبيح والحمد- حضّاً باكراً على مدّ يد العوْن لفقراء المدينة-وقد يكون بعضهم موظفاً- قبل العيد وبعده.. وسأسعى جهدي على توجيه قذائف "هوّاريـــــه" ربما تنفع في إخراج المال من الجيوب لتبثّ المودة والرحمة والتراحم في القلوب،"فالراحمـــــــــــــــــــــــــــــون يرحمهم الرحمن، ارحموا من في الأرض يرحمكم من في السماء"
حماكِ الله يا قاره.. وحما بنيكِ وحما سورية العربية الخيّره والعرب والمسلمين من كلّ مكروه،
سائلاً القهّار الجبّار أن يجعلنا جميعاًُ ممن يتواصوْن بالحق ويتواصوْن بالصبر إنه مولانا وحسبُنا ونعم الوكيل
تم تعديل هذه المشاركة بتاريخ 11-10-2006 الساعة 23:14 من قبل: رئيس فرع الهوارة
|
|
11-10-2006
23:11
|
|
الباشق
عضو مميز
|
صار دوري أنا !!
هوّر هوّر هوّارة
يا ويل ويلي الهوارة
رئيس الفرع شرفنا
بهواراته كان رح يدعسنا
بكتاباته ما تذكرنا
ماشي يا رئيسنا
إنت شعلت الشرارة.
==================
إذا شاطر تعال نافسنا
وخلي الجمهور برأيه يآنسنا
ويحكم مين أكثر إثارة.
==================
سعادة رئيس الفرع
الله يخليك (سعيد)
وأنا يا سعادة الرئيس
بالهوارة لساتني جديد
ولكن إياك !!!!
أنا منافس عنيد
وإنت يا حرام
رح تاكل الخسارة.
سلملم
|
|
11-10-2006
23:46
|
|
|
مدير إدارة الهوارة
|
الى رئيس فرع الهوارة :
عندي فكرة بتلمع لمع
متل الشمس المضوية
رح اعمل وسام ودرع
لهالشعّار القارية
لهوارة بتشد السمع
شغلة حلوة وعصرية
لاتقولو مافيها نفع
هيدي أحلى غنية
ولموقعنا بتعطي دفع
لنتمسك بالهوية
وأنا بتشكر هالسبع
أبو هالفكرة الاصلية
ووقّف يارئيس الفرع
حييّ مدير الادارة
.
.
.
.
للإطلاع وإجراء اللازم
مدير الادارة
تم تعديل هذه المشاركة بتاريخ 12-10-2006 الساعة 00:23 من قبل: مدير إدارة الهوارة
|
|
12-10-2006
00:21
|
|
ابن البيادر
عضو مميز
|
لك نيالك ياهوارة
و ياسعدن أهل آرة
صرلك رئيس ومدير
بيتحدوا بالهوارة
و بُعدي خلاني "خفير"
رَئيني ياهوارة
بدي شرطي بصفارة
بلكي بيوقف موتور
ماشي مثل الطيارة
بيعؤد بينظم هالدور
و يهور عالهوارة
بلكي بيوقف هالتهريب
و لعب الشدة والطرنيب
و يعلم أهل آرة
نظام و حشمة وترتيب
بدي شرطي بصفارة
بيوقف ضجة عراس
و حاجتنا سهر و نعاس
و نيالك ياهوارة
صرلك رئيس ومدير
بس بدنا شرطي بصفارة
|
|
12-10-2006
01:27
|
|
|
رئيس فرع الهوارة
|
سلامات
ما شاء الله كل الحبايب سهرانين
وسعادتي لا تقل عن سعادتكم أن تلم شملنا "كلمات الهوارة" العفوية
بالنسبة لأخي الغالي الباشق: أنا حييتك في أول هوارة كتبتها -في المشاركة السادسة في هذا الموضوع- وقلت:
""" بحيي "جابر" و"الباشق"
بالبخور وبالعطرِِ
وبحيي "حسن ناصيف"
من أشعاري ومن نثري
وبحيي حالي كمان
كوني معلّم هواره"""
*** لكن يبدو أنه بسبب غزارة المشاركات لم تتمكنوا من قراءة كل ما كتب، أنا أحب الجميع والله يشهد.
وبالنسبة لأخي \مدير الإدارة\ بارك الله فيكم وكذلك الأخ الكريم ابن البيادر (مزهرية المنتدى)، أشكر تفاعلكم وهذه الطويّة الأصيلة. وبالنسبة لـ"أخوكم أبو سليم" لا ندري عن سبب غيابه -عسى أن يكون المانع خيراً- ونرى جاهزيته للتحدي التي آمل أن تكون هادئة ويبدو لي أنه منافس فهو أول من تحدّاني. لكن لا مفرّ من التأكيد على أن التحدي هو بحدّ ذاته تنافس في إجلاء فكرة تعني غالبية الناس وتنشر روح المحبة الأصيلة التي لمستها في هذا المشاركات. وبالنسبة لأستاذي أبو عمر فإن اسم القاضي الذي جرّم الحلاج وأصدر صكّ قتله للخليفة المقتدر بالله، يسمى أيضاً "أبو عمر المالكي" ولهذا أشكل الأمر علينا.
أما رواد المنتدى الأعزّاء فليتهم يتكرمون بكتابة الانطباعات حتى إذا لم يشاركوا.
وإن كان لا بد من المنافسة، أقترح على الشباب الاعتناء بالإيقاع والفكرة في آنٍ معاً.
ولأن النقد صقلٌ للموهبة أرجو منكم أيها الأصدقاء التدقيق في مسألة التقطيع العَروضي.. ومسألة الافتتاح والجواب... وحبذا أن نقرأ ما قد كتبنا قبل الضغط على "اعتماد الردّ".
اسمحوا لي أن أؤكد أن الفكرة طريفة وجذابة فعلا، لكنني لا أنافس إلا من استوفت أشعاره الأصول كي لا نتيح لهذه التجربة أن تتجه باتجاه "التجريبية ثمّ الاندثار".
واستميحكم أن تجدوا لي عذراً نتيجة الانشغال ببعض النشاطات الزراعية في الجبل.
اقتراحي مبدئياً أن نخصص موضوعاً نشبعه من "هواراتنا" حتى الثمالة ثم يختار صاحب أفضل مشاركة موضوعاً للأسبوع الذي يليه وهكذا
****
نراكم قريبا بحوْل الله
لا تحرمونا من جميل قولكم، وفقنا الله أن نكون أبراراً لتطلعات الناس.
تم تعديل هذه المشاركة بتاريخ 12-10-2006 الساعة 02:45 من قبل: رئيس فرع الهوارة
|
|
12-10-2006
01:48
|
|
|
مدير إدارة الهوارة
|
أمر إداري...............؟؟؟؟؟
لرئيس فرع الهوارة
بدي أصدر أوامر
بدّي شعر بجدارة
مابّدي ناس تناقر
مو كل واحد بالحارة
يعملّي حالو شاعر
بدنا معنى وعبارة
وقوافي حلوة بالأخر
بدنا نأسّس هوارة
تربط ماضي بالحاضر
بدنا مواضيع مختارة
بدنا فكر ومأثر
عليها دّور دوارة
رئيس الفرع يا شاطر
وبصفتي مدير الادارة
بطرح موضوع مباشر
عالتهريب اللي بقارة
بشكلو العلني والسافر
والافضل انكم تلتزمو
بأمر مدير الادارة .......
وهور يابو الهوارة
-
-
-
- للإطلاع والتقيد بمضمونه
-ويكلف رئيس فرع الهوارة بالعمل على حسن سير التنفيذ مخولاً كافة الصلاحيات.
- مدير إدارة الهوارة العامة
|
|
13-10-2006
02:07
|
|
|
عسكري هواره إجباري
|
طـــــــــــــــــــــــــــــــــــــــــــــــاب الموت يا عرب
هــوّر هـــــــــــوّر هــــــوّاره
بالموقع وِلعتْ نـــــــــــــــاره
***
مدير الإداره فيــــــــــــــــــكْ
تنافسْ خيَّكْ "علي الديـــــــكْ"
وتعمل "حاصودي" و"دبّيك"
وتطرِبْنا بالمُنـــــــــــــــجاره
***
رَحْ ربّــي الإداره فيــــــــك
وفكفك عضماتك تفكيـــــــك
والأحســــن هلّأ خلّيـــــــــك
تتـــرك هوني الســـــيــداره
***
الهــــواره فنّ وتكتيك
ما هِي دَكّه ولا تدكيك
ولا هيّه دِهْنْ وتفريـك
ولا هِيْ دبّه وتلفريــك
مطرحّ ما بدّي بوديّكْ
وبعمِلْ من راسَكْ "فاره" -للكمبيوتر-
***
أنا العســـكور المغــوار
طول عمري ع خطّ النار
بِحمي أهلي ويِحمي الدار
ورَوْحــي رهْــن الإشاره
***
عندك سيّــــــارة وحُجّــاب
وما بتهوى غير اللي جاب
ونافخ حــــالك بالتيــــــاب
متل ديوك الـ بالحـــــــاره
***
بعرف أدَّيْشَـــــك مقهــور
وخايف من قوْلي ومفزور
بس هـ المره يا فرفــــور
كرمال قاره والجمهـــور
رح اسمحلك "ورا تدور"
وإصحى تكرِّرْ الزيــاره
***
ابعتو لي رئيس الفرع بعدوووووووووووووووو!!!!
تم تعديل هذه المشاركة بتاريخ 13-10-2006 الساعة 06:00 من قبل: عسكري هواره إجباري
|
|
13-10-2006
05:58
|
|
|
هوّاره
|
يا مسكين يامدير الإداره
يا شحارك يا \مدير إدارة الهوارة \ على هالمصيبة اللي طلعتلك
تم تعديل هذه المشاركة بتاريخ 13-10-2006 الساعة 09:24 من قبل: هوّاره
|
|
13-10-2006
09:23
|
|
|
مدير إدارة الهوارة
|
السيد رئيس فرع الهوارة .
للتعميم على كافة عناصركم للالتزام بأصول التخاطب .
وإيصال الرد التالي للعسكري المجند بالهوارة لديكم عن طريق التسلسل.
علماً أن هذا الرد المختصر سيكون الاخير عليه وفي حال التكرار ستكون الردود عملية .
نص الرد :
لأخر مرة يا عسكور
بسمحلك تغلي وتفور
وفي إلك عندي حنجور
برقم /16/ مشهور
بيشفيك من الجئارة
---------------------
ورح خليك طنعشر شهر
ما تلاقي على راسك شعر
وتموت بحبسك من القهر
وتمضي جيشك تقرش ب........
وربي فيك ً الهوارة ً
------------
والحكي الك يا هوارة
مدير ادارة الهوارة العامة
|
|
13-10-2006
16:36
|
|
|
رئيس فرع الهوارة
|
سري للغاية
هوّر هوّر هوّر
عجاج والدنيا غباره
رح أدّبلك ْ هالعسكور
وسوّي من عضامو نشاره
"عُسَيْكِرْ" طويل لسانْ
عم يتهجم ع المدير
ما صارت والله يا ناس
"صعلوك اتحدى أمير"
مهيّر "للجندي" مسّاس
حتى خلّي المتلو يصير
يضرب أخماس بأسداس
ويعرف طعم المراره
عسكور مصَدّي وطرطور
تضربلك بـ هالهيبه
شو بتفرق عن "المسكور"
بأول "عين الطيْبه"؟؟؟؟؟
وحتى يفرفش هالجمهور
أمرنا بحبس المذكور
وحِرمانو من "الزياره"
|
|
13-10-2006
18:25
|
|
|
مدير إدارة الهوارة
|
سيادة رئيس فرع الهوارة
نثني على جهودكم المبذولة لتربية جيل هواري ملتزم .
على فكرة :عجبتني شغلة / المساس / لهل العسكور التعيس وانشالله يكون بيعرف شو هو المساس .
مدير الادارة العامة للهوارة
|
|
13-10-2006
19:38
|
|
