الصفحة الرئيسية للمنتدى
|
التسجيل في المنتدى
|
تعديل البيانات الشخصية
|
قواعد الكتابة في المنتدى
|
بحــث
منتدى الحوار
>>
منتدى مدينة قارة
>>
اسئلة موجهة للجميع وبدون استثناء...
الكاتب |
الموضوع |
 |
|
|
|
google
عضو مميز
|
اسئلة موجهة للجميع وبدون استثناء...
اسئلة موجهة للجميع وبدون استثناء...
السلام عليكم ورحمة الله وبركاته....
اول شي بحب اشكر ادارة الموقع ع المجهود الكبير والافكار الحلوة اللي عم تحلي الموقع وتكبرو وتوصل فيه لأحسن صورة.
حابب اسال الادارة ((وقصدي بالادارة : محمد حمود ومحمد ربيع الشيخ))..حابب اسالكن انتو ليش عملتو موقع لقارة ع الانترنت؟؟؟؟
على حد علمي كان الموقع لعرض قارة وتاريخها وروعتها قدام الناس هي بالدرجة الاولى.... ولم شمل المغتربين برا قارة وبرا سوريا بالدرجة التانية...
ومع المشاركات المتزايدة صار ملتقى للافكار والنقاشات والسوالف الحلوة والتعارف والاهداءات...هيك على حد علمي طبعا... ولو انا غلطان صلحولي الحكي...
طيب......
ازا الموقع اسمو قارة...شو خصنا بالامور السياسية العامة؟؟؟
مو لازم نحكي بمشاكل قارة الخاصة احسن من مشاكل سياسية عامة؟؟؟؟
مو لازم نحكي بالفكرة المطروحة احسن من انو نلاحق فلان وعلتان لنعرفو مين هو ووين عايش ... وهادا تفكيرو هيك وهادا انتمائو هيك...وهاد بعرفو ابن مين وهاد مدري شبو... ... ... ...
من اهم قواعد الكتابة هي عدم النسخ واللصق من مواقع اخرى...
طيب شو مشان كم موضوع وخصوصي بمنتدى الكمبيوتر منقولين نقلا مبرحا وعن عدم معرفة او خبرة....او لأنو الموضوع مو كتير مهم او الشخص مو كتير بيفوت او مهم مشان هيك طنش عنو....
الافكار المطروحة بالمنتدى كتير حلوة...وللاسف عليها شوية نقط حمرا..وبما انو مستوى ثقافتي ما بيسمحلي اني ناقش هيك مواضيع باتمنى يكون منتدى خاص بالمواضيع الجادة جدا ,,(( والاحسن ينكتب عنوان: المنتدى الفكري او منتدى لأصحاب العقول الكبيرة او الضخمة..)) والسبب انو اكتر من 80% من الزوار ضرب حكايتي يعنى مستواهن اقل من انو يشاركو بهيك مواضيع او يفهمو الكلام والالغاز المدرجة بالمشاركات...
يعني بيكون عنوان الموضوع كتير حلو وبشد الواحد انو يدخل ويقرا بس بعد كم رد ..بتصير الشغلة عرض عضلات و((تهجم)) بطريقة محترمة خفية...
لو تتزكرو قبل سنتين كيف كان الحكي وكيف كانت المشاركات...وتشوفو هلق كيف...
وفي شغلة كمان....
ازا الواحد بدو يسجل بالموقع ليش لازم يبعت اسمو الصريح...وكيف ممكن تتاكدو انو هاد هو الشخص نفسو؟؟؟
اكيد الجواب بيكون (( لأنو في ناس على طول بتغير الاسم المستعار وبتدخل تخرب وتطلع....))
باعتقادي انكن فاتحين باب الموقع على مصراعيه لكل الناس من قارة وغيرها..وقارة متل كل الدنيا فيها المنيح وفيها القبيح وكان لازم تحسبو هالحساب من الاول...
كتير مواقع عندها شي اسمو ((حظر عن طريق رقم الآي بي ادريس)) ومن خلالو بتقدر تمنع الشخص من المشاركة وحتى تمنعو من التسجيل باسم جديد...
واكيد ما بتصعب عليكن هالقصة ويا ريت يكون هاد الحل ..لأنو بصراحة وبدون زعل الشي اللي عملتوه بيدل على ضعف من طرفكم وعدم قدرتكم على رد المرضى النفسيين والعقول المتخلفة......
يتبع...
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
وعاشر بيت هالضيعة امانة...
بكل اعناق كل شب وصبية...
----------------------------------
عاشر بيت هالضيعة امانة..بكل اعناق كل شب وصبية. 
تم تعديل هذه المشاركة بتاريخ 23-3-2007 الساعة 12:56 من قبل: google
|
23-3-2007
12:18
|
|
محمد حمود
مشرف
|
هلا بجوجل، بعد طول غياب.
في الإمارات يقولون: "من طول الغيبات جاب الغنايم"
بالنسبة لسؤالك بأن المنتدى أصبح لأصحاب العقول الكبيرة وبأن 80% من الزوار يرون أن مستواهم لايسمح لهم بالمشاركة، فأنا أخالفك في هذا الرأي، مع أنني أعترف بأني سمعت نفس الرأي من عدة أشخاص ومنهم الجامعيين.
وإنني أعترف بوجود بعض المشاركات المليئة بالألغاز والفلسفة، ولكنها مشاركات قليلة جداً، ولقد حذفت في إحدى المرات واحدة من تلك المشاركات للعضو أبو مصطفى كانت مليئة بالرموز والإشارات غير المفهومة، ولقد أثار ذلك الحذف حفيظة البعض وقتها.
إذا نظرت الآن إلى الصفحة الرئيسية للموقع لوجدت قائمة بآخر مواضيع المنتدى ومنها:
-إعجاب قاري: يتحدث عن ماذا يعجبك في قارة.
-إلى من نلجأ: يسأل الأضاء عن الشخص الذي يلجؤون إليه عند الوقوع في مشكلة.
-إهداءات إلى الأعضاء المشتركين.
-أنت تسأل ونحن نجيب: إجابة على استفسارات في جميع المجالات.
كل هذه مواضيع شعبية ليس فيها نقاشات فكرية أو أفكار جدية عالية المستوى. أضف إليها مواضيع مثل ألغاز ونكتة بنكتة وسوق عكاظ وفي ضيافة الموقع.... إلخ..
فلماذا لم تجذبك أياً من تلك المواضيع؟ ولماذا لم تفكر بكتابة موضوع من المواضيع التي تعجبك عسى أن تدفع ال 80% للمشاركة  
أما عن سؤالك عن حجب الاسم من خلال رقم ال IP Adress، فاعذرني أن أقول أن هذا يدل على ضعف في ثقافتك الحاسوبية، وذلك لأن رقم الآي بي يتغير عند كل دخول جديد إلى شبكة الإنترنت، وهكذا فإن رقم الآيبي الخاص بي الآن قد يأخذه حسن البريدي غداً وذلك لأننا نقيم في بلد واحد.
أما الطلب من الذين يرغبون بالانضمام إلى المنتدى أن يرسلوا بريداً إلى إدارة الموقع، فإن هذا الإجراء تم عمله منذ يومين فقط، وذلك بسبب إساءة البعض لاستخدام عملية التسجيل وقيامهم باستخدام أسماء غير لائقة والدخول بها إلى غرفة الدردشة.
شكراً على آرائك ونرجو دوام المشاركة
|
24-3-2007
23:24
|
|
حنظلة القاري
عضو مميز
|
سلامات .
أخي غوغل اسمحلي أهديك غوغل سلامات.
نقدك بناء ويدل على اهتمامك وحبك,
لكن اسمح لي أن أقول لك أننا نحن الأعضاء من نبني المنتدى وليس المشرفين
فقط.
وبما أن حرية إبداء الرأي مفتوحة بما يتناسب وقواعد المنتدى ,فليس لنا أن نعترض
على أي طرح لم يخالف القواعد , بل علينا إذا لم نجد مواضيع تلامس الواقع وهم
العموم أن نبادر بها نحن ولا نكون منفعلين فقط.
أقترح على المشرفين بوضع قسم خاص بالحوارات الثقافية التي تهتم بالنخبة ويكون
اسمه((المنتدى الثقافي)) مثلاً.
كما أدعوك أخي غوغل إلى إفادتنا بآرائك ومواضيعك فالموقع بحاجة إلى أمثالك.
وتقبلني أخاً ناقداً .
((جبل لجبل ما بيلتئوا , بس ناقدين أكيد بدهن يلتئوا لا بالحب لا بالنأد)).
_________________
أودعناك
|
25-3-2007
13:08
|
|
google
عضو مميز
|

لا يتبع.
----------------------------------
عاشر بيت هالضيعة امانة..بكل اعناق كل شب وصبية.
|
2-4-2007
14:22
|
|
حسن البريدي
مشرف
|
للإطلاع ..
----------------------------------
- كن كالغيث.. أينما هلَّ ؛ نفع ..
|
18-3-2009
17:30
|
|
ابن القلمون
عضو مميز
|
يرحم ايام GOOGLE
----------------------------------
لست آيس أو أمل لن تحطمني الهموم .... لن أعيش بلا أمل فالندى نبت الغيوم
|
23-6-2009
21:12
|
|
جميع الأوقات بتوقيت قارة | الوقت الآن:
الاثنين
18/8/2025
02:12
|
 |
|
|
|
منتدى الحوار
>>
منتدى مدينة قارة
|