منتدى الحوار  >>  منتدى مدينة قارة  >>  ثلاثة أسئلة

الكاتب

الموضوع

google عضو مميز	ثلاثة أسئلة السلام عليكم ورحمة الله وبركاته... حبيت افتح موضوع جديد وهو.... الموضوع عبارة عن 3 اسئلة.. والمطلوب من المشاركين 3 اجوبة باختصار.. بس.... لو سمحتو..بدنا نبعد عن الكلام المطول..والتشعب والتفرع..يعني بالنهاية بدنا 3 اجوبة وبس..لأنو الشغلة في وراها استفتاء ويمكن المسؤولين يفكرو بشوية تغيير.. الاسئلة : 1- اكتر شي بتحبو بقارة..(( غير الهوا والمي..)) 2- اكتر شي بيدايقك بقارة.. 3- اقتراح لحل مشكلة الشي اللي بيدايقك.. سؤال اختياري... 4- اذا كنت بمدينة غير قارة..دمشق مثلا..وحدا سالك منين انت.. شو بيكون جوابك..بصراحة طبعا.. بدنا اجوبة يا شباب ومشاركة قوية..يمكن تكون هي الخطوة الاولى... وشكرا للمشاركين.. ---------------------------------- عاشر بيت هالضيعة امانة..بكل اعناق كل شب وصبية. تم تعديل هذه المشاركة بتاريخ 8-5-2007 الساعة 14:37 من قبل: محمد حمود
8-5-2007    13:17
google عضو مميز	1-اكتر شي بتحبو بقارة : القعدة بالجبل عند البير.. وفكرة الحديقة العامة. 2-- اكتر شي بيدايقك بقارة : الشوارع المحفرة.. 3-- اقتراح لحل مشكلة الشي اللي بيدايقك : جمع تبرعات والعمل على تمديد المياه والكهرباء والهاتف بشكل صحيح وبعدها تزفيت الطرقات وخلونا نعيش شي 5 سنين بدون حفريات.. السؤال الاختياري: بالنسبة الي..بقول من النبك او من القلمون.. والسبب انو قارة مشهورة بالتهريب والتهريب يعتبر من المشاكل العويصة والسمعة اللي الله يستر.. مع التحية للمهربين ملاحظة: مو غلط اذا حكيت عن شغلة..حتى لو سبقك عليها الف واحد. ---------------------------------- عاشر بيت هالضيعة امانة..بكل اعناق كل شب وصبية.
8-5-2007    13:22
أبو زياد عضو مميز	1)أكثر شي بحبو بقارة محبة الناس لبعضها 2) قيادة الأطفال تحت سن 15 الموتوراة 3)الحل هو أنو الأباء ما يعطوا ولادهن الصغار المتوراة 4) اذا سألني حدا بقول من قارة ----------------------------------
8-5-2007    14:16
محمد الغاوي عضو مميز	السلام عليكم ورحمة الله و بركاته تحية طيبة أخي google على هالموضوع الجميل . أحلى شي بقارة السهرة بعين البيضة على كاسة متة سكابا أكتر شي بدايقني بقارة هو إنقطاع الكهربة و المي و الشوارع المرقعة أكره شي الشوارع الجديدة إلي فتحوها و قصوا الأراضي و الأشجار لهلق ما زفتوها الحل أنو يشتغلو من قلبهن وضميرهن يكون مرتاح الصراحة لما نزلت عالصيف على قارة لقيت الشوارع محفرة و مكسرة أنا راكب الموتور كنت رح هور بسبب الشوارع المحفرة ................................. أنا لما بيسقلوني من وين أنت بقولهن من الشام و الصراحة أنا بعتز بقارة وبفتخر فيها و شعبها متماسك ولكن بدها تطوير شوي ----------------------------------
8-5-2007    14:28
w_v_w	مراحب اكتر شي بحبو بقارة قارة بحد ذاتها اكتر شي بكرهو بقارة قلت الخدمات العامة حل المشكلة خيو همة البلدية مع المغتربين وان شاء الله منشوف قارة احلى من جارتنا ديرعطية وانا عايش بالامارات حاليا واذا حدا سالني انت من وين بقلو من قارة بقلي وين قارة بقلو بسوريا ---------------------------------- لا أحد يحب ........ من لايحب أحدا
8-5-2007    18:07
أبو خالد عضو مميز	السلام عليكم .. وتحياتي للجميع ... العزيز جـــــــــوجــــــــــل أشكرك بصدق على هذا الطرح وعلى رأيك - بلا طول سيرة - 1- اكتر شي بتحبو بقارة..(( غير الهوا والمي..)) عين البيضة ( والتي أرجو من الله ألا يحرمنا من عينها بسب ما يقوم به بعض المفسدين من تدنيس لأرضها بأذاهم وفسادهم .... ) 2- اكتر شي بيدايقك بقارة.. وقوف السيارات على جانبي الطرقات الضيقة والمزوربة في قارة ( بالطبع البعض يقف في أماكن أقرب الى منتصف الطريق من جانبه ) 3- اقتراح لحل مشكلة الشي اللي بيدايقك.. تدخل الجهات المعنية والمسؤلة في منع السيارات والدراجات من التوقف على جانبي الشارع الرئيسي - على الأقل - وحملها على التوقف في الشوارع الفرعية على جانبي الشارع الرئيسي وليس ذلك بالأمر الصعب لو تحركنا قليلاً واستفدنا من تجربة جيراننا .... سؤال اختياري... 4- اذا كنت بمدينة غير قارة..دمشق مثلا..وحدا سالك منين انت.. شو بيكون جوابك..بصراحة طبعا.. لا أظن يا صديقي أننا - كقاريين - بحاجة أن تشعر بشيئ من الحرج في طرحك مثل هذا السؤال وعنونته بـ سؤال اختياري ... وأقفاله بعبارة .. بصراحة طبعاً .. أو بالأحرى لا أجد داع لمثل هذا السؤال تقبل ودي واحترامي.. فمن قد يخجل من انتمائه لقارة ليس بالضرورة أن تطرح عليه أسئلتك السابقة ولاحاجة لقارة ولا للقاريين لاجاباته وادراجها في أي استفتاء كما سبق وذكرت أشكرك مرة أخرى على حرصك مع حبي وتقديري الى كل القاريين ------------ بالمناسبة كتبت مشاركتي هذه قبل أن أقرأ أي مشاركة تلت الأسئلة لتفاعلي المباشر مع الموضوع كونه يتعلق بقارة وحبنا لقارة وبعد أن قرأت المشاركات .. تفاجئت ..... وراودتني نفسي بإلغاء المشاركة من أساسها لكن ... ---------------------------------- إلهي إن كان هذا حلمك على من طغى و قال أنا ربكم الأعلى ! ............................................. فكيف حلمك على من سجد لك و قال سبحان ربي الأعلى ؟ ................................................... أبو خالد تم تعديل هذه المشاركة بتاريخ 8-5-2007 الساعة 21:44 من قبل: أبو خالد
8-5-2007    21:35
النخلة	السلام عليكم ورحمة الله وبركاته اكتر شي بحبو بقارةالغالية الطبيعة اي الجو الحلوه والجبل اكتر شي بكرهوا هو الجلوس على الابواب سواء كان رجال او نساء حل المشكلة شوية وعي اذا حد سألني من وين بقلوا من قارة ---------------------------------- عامل الناس كما تحب ان يعاملوك تم تعديل هذه المشاركة بتاريخ 8-5-2007 الساعة 21:44 من قبل: النخلة
8-5-2007    21:43
google عضو مميز	السلام عليكم ورحمة الله وبركاته... شكرا للجميع على هذا التفاعل...وبالاخص (( ابو خالد )) جميعنا نحب قارة..ونغار على مصلحتها..بس السؤال الاختياري..كان من واقع نعيشه..ربما لم تمر بمثل هذا الموقف..ولكن اغلبية الشباب..وبالاخص المقيمين بالشام للدراسة او العمل..يكون جوابهم.. انا من النبك..او من ديرعطية.. مع العلم ان هنالك الكثير من الناس اللي من محافظات تانية..مثل اللاذقية وحلب..بيفكرو انو قارة + ديرعطية + النبك..بفكروهن مدينة وحدة..وبيفكرو انو قارة جزء من المدينة..متل اذا بتقول عربين..التابعة لدمشق. ولذلك وجب التنويه.. الهدف من الموضوع..هو توضيح بعض الامور.. التي تزعجنا في قارة..وترتيبها حسب الاولوية..وطرح الحلول الحقيقية.. وذلك لتحسين امور الضيعة وبس. مشاركتك حلوة.. وباتمنى انو نفسك ما تراودك على مثل هالامور وتكون دائما معنا.. ---------------------------------- عاشر بيت هالضيعة امانة..بكل اعناق كل شب وصبية.
8-5-2007    23:17
أبو خالد عضو مميز	السلام عليكم .. وتحياتي للجميع ... عزيزي جــوجــل .. أشكر لك حبك لقارة وحرصك على الرقي بمجتمعها .. ياسيدي جميعنا مزعوج من موضوع التهريب ومشاكله وكلنا مستاء من بعض المصائب التي يعيشها مجتمعنا ... لكن صدقني أن هناك الكثير من النقاط المضيئة في قارة وأهل قارة تجعلك حقاً تشعر بالفخر أنك من قارة - ولقد ذكرت بعض من تلك الجوانب في غير موضع - أقدر موقفك وبعض الشباب الذين يعيشون في دمشق بذلك الرد وأن قارة ... النبك .. ديرعطية .. كلها واحد .. القلمون .. لكنني مصر على التعريف بقارة للجميع وفي كل الظروف ... وصدقني أنني لا أتردد بالإجابة أنني من قارة في أي بلد أزوره ولي أصدقاء عدة من بلاد متفرقة حضروا لزيارة قارة والتعرف عليها بعد أن حدثتهم عنها تقبل ودي واحترامي أخوك : محمد خالد زين ---------------------------------- إلهي إن كان هذا حلمك على من طغى و قال أنا ربكم الأعلى ! ............................................. فكيف حلمك على من سجد لك و قال سبحان ربي الأعلى ؟ ................................................... أبو خالد
9-5-2007    09:11
google عضو مميز	السلام عليكم ورحمة الله وبركاته... العضو ابو خالد... او محمد خالد زين.. احيي فيك حبك لقارة و محاولة تعريف اصدقائك بها.. ارجو عدم الابتعاد عن صلب الموضوع..ولنتذكر السبب الذي دعاني لكتابته.. لك مني تحية.. وين مشاركة الشباب... ---------------------------------- عاشر بيت هالضيعة امانة..بكل اعناق كل شب وصبية.
10-5-2007    00:07
نزيه شيخ حسين عضو مميز	السلام عليكم ورحمة الله وبركاته تحياتي للجميع أحب في قارة البساطة في الحياة وعدم التعقيد .... اكره في قارة القيل والقال /اللت والعجن/..... الاقتراح ( ما كل مايسمع يقال ) ...... اذا سألت من أين أنت ؟ طبعا أقول وبكل فخر أنا من قارة ولكن المشكلة اذا سألت أين قارة أقول بعد دير عطية فيا ترى لماذا دير عطية هي نقطة العلام وليس قارة ؟؟؟؟؟!!!!! هذا بايجاز واذا أردتم التفاصيل سأقوم بالشرح ...... مراحب .... أخوكم أبو عبدو ---------------------------------- أحسن الى الناس تستعبد قلوبهم لطالما استعبد الإحسان إنسانا تم تعديل هذه المشاركة بتاريخ 10-5-2007 الساعة 07:57 من قبل: نزيه شيخ حسين
10-5-2007    07:52
محمد ربيع الشيخ مشرف	وصلت أحب في قارة البساطة والذوق الفطري، وأيام الصبا والشباب ... اكره التهريب و(متل الصديق نزيه) اللت والعجن(مع أنه عادة ريفية إنسانية موحدة). الحل لكلا الأمرين الجد والاشتغال بالأشياء المفيدة المثمرة من العمل والرزق والحديث من المسؤولين والناس. السؤال الاختياري: أقول من القلمون بيسألني من وين بقوله من قارة، فإن لم يعرفها السائل أقرب له المسألة منطقة النبك "وعلى الحالتين أنا كسبان". وهنا في الإمارات أقول من ريف الشام أو دمشق، فإذا اهتم السائل بجوابي بقوله من قارة، فإذا اهتم بجوابي وسأل وين موجودة: بقوله على طريق حمص منتصف المسافة. على يسار الطريق، بيسألني يا ترى قريبة من الزبداني وبلودان بقوله يعني شلفة حجر، بيسألني: طيب قريبة من محل الهريسة تبع الفستق الحلبي بقوله: وصلت. على كل الأحوال الأمر إنساني اعتيادي يتبع لمعلومات الطرف الآخر الجغرافية و"المناطقية" ونقاط العلام المميزة، والأصل: هو الحرص على أن يفهم الطرف الآخر حواري وشو عم جاوبه، مش ان يلمس عندي عقدة نفسية من ضيعتي الرائعة
10-5-2007    13:52
خير انشالله عضو مميز	السلام عليكم تحياتي للجميع.. - اكتر شي بحبو بقارة..(( غير الهوا والمي..))...؟؟ أحب توقف الزمن في قارة.. وأكره سباته.. 2- اكتر شي بيدايقني بقارة..؟؟ مشاكل الأراضي والتعدي على بعضنا البعض في الحدود.. 3- اقتراح لحل مشكلة الشي اللي بيدايقني...؟؟ أن نقول للأطرش أعور بقلبو....... بمعنى آخر.. الحل في الجيل القادم.. لأن هذا الجيل.. استنفذ امكانياته.. وأصلاً هو المشكلة.. شكراً لكم ولرحابة صدركم.. أخوكم أبو الخير... ---------------------------------- انشالله خير..... تم تعديل هذه المشاركة بتاريخ 11-5-2007 الساعة 04:35 من قبل: خير انشالله
11-5-2007    04:32
محمد حسين الشيخ عضو مميز	أحب في قارةصلاة الجمعة وحشمة نسائها وأكره فيها غربتي عنها الحل بإيد رب العالمين وإذا سألت م أين وحصل ذلك أقول من قارة ولن يعرفها السائل وعنها أتضر لفتح الكمبيوتر وأريه صورها لما نصل لصورة الشخص اللذي يركب دراجة بيوم ثلجي يجري الحوار التالي This image of the winter snow in the villages This wonderful pain disrupted motorbike because of snow طبعاً اللذي حصل أنني كنت أشاهد ألبوم الصور ودخل الخط أحد الزملاء حتى وصلنا للصورة المذكورة فقلت له مفتخراً هذه صورة الثلج في قريتي فأجابني وهنا كانت دهشتي بما اهتم رائع ألم تتعطل الدراجة من الثلج
12-5-2007    01:36
google عضو مميز	---------------------------------- عاشر بيت هالضيعة امانة..بكل اعناق كل شب وصبية. تم تعديل هذه المشاركة بتاريخ 12-5-2007 الساعة 02:05 من قبل: GOOGLE
12-5-2007    02:03
أحمد زين الدين عضو مميز	الأخ العزيز google بعد التحية أحب في قارة الطِّيب النادر والخير الدفين الهائل الموجود لدى الكثيرين من أهلها أكره فيها اللامبالاة الموجودة لدى البعض وآفةُ ( مادخلني ) أفضل طريقة للخلاص من هذه الآفة تكمن في : فاعلية مضاعفة للشباب الواعي في أدوارهم الواجبة والتي تقتضي أن يكونوا معنييين في كل شيء عام والتصدي من خلال ذلك لجميع المهام التي تقتضيها المصلحة العامة بأكبر قدر ممكن من الجهد والمسؤولية وبالاهتمام الأكبر بالأمور التربوية ابتداءً من البيت والمدرسة ثمَّ التربية الاجتماعية العامة أخيراً : إذا سُئلت عن منبتي وموطني أقول وبكل اعتزاز قاري الأصل والهوية والهوى ---------------------------------- ليس العاجز مَن يملك عضواً عاجزاً أو أكثر .. إنّما العاجز هو مَن يعجز عن استخدام أعضائه السليمة بالشكل السليم تم تعديل هذه المشاركة بتاريخ 12-5-2007 الساعة 10:00 من قبل: أحمد زين الدين
12-5-2007    09:57
google عضو مميز	السلام عليكم ورحمة الله وبركاته.. // أفضل طريقة للخلاص من هذه الآفة تكمن في : فاعلية مضاعفة للشباب الواعي في أدوارهم الواجبة والتي تقتضي أن يكونوا معنييين في كل شيء عام والتصدي من خلال ذلك لجميع المهام التي تقتضيها المصلحة العامة بأكبر قدر ممكن من الجهد والمسؤولية وبالاهتمام الأكبر بالأمور التربوية ابتداءً من البيت والمدرسة ثمَّ التربية الاجتماعية العامة // صدقني مافهمت شي.. ممكن توضح بكلام سهل شوي.. يعني على مبدأ : دجني دجتك العافية.. ---------------------------------- عاشر بيت هالضيعة امانة..بكل اعناق كل شب وصبية.
12-5-2007    13:14
أحمد زين الدين عضو مميز	لبَّيكَ يا صديقي أن يضاعف كلُّ شابٍ واعٍ من نشاطه العام باللقاء مع أقرانه ومع المجتمع وخاصة مع المعنيين بالشؤن العامة وأن تكون مادة اللقاء دائماً حديثٌ فاعل أو فعل بنّاء وأن يعتبر نفسه من المسؤولين عن كلّ شيء يخص المجتمع فيطالب بحقه كمواطن وحقوق الآخرين وأن يقوم بواجبه هذا ويحفّز الآخرين على ذلك أن يحاول الشباب كما أراد خير انشالله وكما ارى أيضاً أن يأخذوا أدوار مَن لم يستطيعوا ذلك من الأجيال السابقة بالانخراط في المؤسسات الاجتماعية والإدارية العامة كالمجلس البلدي والمنظمات الشعبية والجمعيات الأهلية مؤسسات المجتمع المدني وأن يسعوا لأن يكونوا مثلاً يُحتذى في المبادرة والمثابرة والإخلاص والتفاني للشأن العام كما لو كان شأناً شخصياً وأكثر أن يعتبر كلٌّ منهم نفسه وليَّ أمرٍ لأي طالب أو تلميذ أو صاحب حاجة فيساهم في كلِّ مايتطلبه هذا الموقع من لقاءات ورعاية واهتمام كلُّ ذلك يجب أن يكون ضمن الإمكانيات الشخصية الممكنة بحدها الأعلى كما أسلفت أن يكون ماذكرت مادة هامة يجب التركيز عليها في التربية البيتية والمدرسية وفي الحياة الاجتماعية أخيراً : رُبَّ قلّةٍ غلبت كثرة بالتقوى إنّ مجموعة من الشباب الواعي المتحمس مهما كانت قليلة بعددها لو بدأت بهذا النهج ستكون كبيرة بتأثيرها وستشكّل نواةً لجيل إيجابي فاعل مُعافىً من داء ( مادخلني ) هذا رأيي أرجو أن أكون قد وفّقتُ بنقل الصورة لكم تحياتي وشكراً لنشاطكم الملموس ---------------------------------- ليس العاجز مَن يملك عضواً عاجزاً أو أكثر .. إنّما العاجز هو مَن يعجز عن استخدام أعضائه السليمة بالشكل السليم
12-5-2007    14:51
لبنى	مرحبا 1. انااحب كل شيئ في قارةمن بساطةالناس ,البساطة في العيش ,الهواء, الماء, كل شيئ في قارة جمبل طبعا هادا الحكي مو لقني مغتربة بس الواحد ما بيعرف قيمة بلدوا غير لما يغترب عنها 2.اكره فيها غربتي عنها 3.الحل هو العودة والرجوع الى البلد ان شاء الله السؤال الاختياري انا بقول اني من الفلمون وشكرااا للجميع. ---------------------------------- الحمد لله كل لحظة
7-7-2007    23:03
ماريا	السلام عليكم أنا بحب قارة كتير ومستحيل أكرهها وخاصة إذا رحت على الشام مابصدق إ متى إرجع بس من ناحية المدايقة في كتير أشياء متل إذا رحنا ع عين البيضة هالشباب مجتمعين عند البحرة وما في مكان تعد فيه {وأنا أصلا ماعدت روح } وفي شغلة تانية من ناحية السرافيس يلي بروحوا ع الشام بيطلعوا من بيتهم إ متى مابدهم وإذا تعبه (إمتلأ) ولسه في ركاب حاجزه معه بيتركوهم وبروحوا ويصطفلوا يدبروا حالهم ......وهكذا من شان السؤال الإختياري أنا بقول إني من قارة بكل فخر إذا صار يلي بدي إياه (أنا وأنتم طبعا )
11-7-2007    01:51
alsaqr	الأخ غوغل المحترم أنا رح جاوبك عالسؤال الأخير اذا حدا سألني من وين أنا فاذا بكون بالمريخ بقلوا أنا من قــــــــــــــــــــــــــــــــــــــــــــــــــــــــــــــــارة لأنو اللي بيطلع من أصله مالو أصل ولو كانت سمعة قارة مو منيحة لأنو بالنهاية أنا ما بتقيم على أساس من وين وكل انسان بيتقيم بشخصيته وبعلمه وبفهمه وبحضوره بين الناس والخ.... يعني بلدك ما الها علاقة فيك وكل بلد فيها المنيح وفيها السيء. وهي الظاهرة منتشرة كتير عنا بالضيعة فبتلاقي الواحد أو الوحدة بروح بيدرسلو سنتين بالشام بيرجع عم يحكي شامي بالضيعة أو بسافر سنة عالامارت بيرجع عم يحكي مع رفقاتو بالضيعة أو رفقاتو المسافرين معو بالانكليزي وعلى أساس يعني انو تحضر الأخ ( سوري- سي يو- تاك كير- وان منيت...) وبتكون نوع من أنواع المياعة على أساس بيحكي انكليزي وهو كل العالم صار يحكي انكليزي بوقتنا هاد. مع تحياتي الك ولجميع الأعضاء وشكرا. ---------------------------------- الحـــــــمـــــــد لــــــــلــــــــه تم تعديل هذه المشاركة بتاريخ 27-7-2007 الساعة 02:25 من قبل: alsaqr
27-7-2007    02:19

جميع الأوقات بتوقيت قارة | الوقت الآن:   الاثنين   18/8/2025   03:53

منتدى الحوار  >>  منتدى مدينة قارة